సీఎం వ్యాఖ్యలపై బీజేపీ ఆగ్రహం
శంకరపట్నంలో సీఎం దిష్టిబొమ్మ దహనం
కాకతీయ,శంకరపట్నం:ఢిల్లీలో నిర్వహించిన ‘ది కాంక్లేవ్ 2026’ కార్యక్రమంలో ముఖ్యమంత్రి రేవంత్రెడ్డి హిందూ దేవుళ్లపై చేసిన వ్యాఖ్యలపై బీజేపీ నాయకులు తీవ్ర ఆగ్రహం వ్యక్తం చేశారు. రేవంత్రెడ్డి వ్యాఖ్యలకు నిరసనగా మంగళవారం శంకరపట్నం మండల కేంద్రంలో బీజేపీ మండల అధ్యక్షుడు ఎనుగుల అనిల్ ఆధ్వర్యంలో ఆందోళన చేపట్టి సీఎం దిష్టిబొమ్మను దహనం చేశారు. రేవంత్రెడ్డి “శివుడు పేదల దేవుడు.. రాముడు ధనికుల దేవుడు” అంటూ వ్యాఖ్యానించినట్లు వార్తా నివేదికలు పేర్కొన్నాయి.
ఈ సందర్భంగా బీజేపీ జిల్లా ప్రధాన కార్యదర్శి మాడ వెంకటరెడ్డి మాట్లాడుతూ.. ముఖ్యమంత్రి వ్యాఖ్యలు హిందూ దేవుళ్లను విభజించేలా ఉన్నాయని విమర్శించారు. దేవుళ్లలో పేద, ధనిక అనే తేడాలు ఉండవని, రాజకీయ ప్రయోజనాల కోసం శ్రీరాముడు, శివుడి మధ్య విభజన సృష్టించేలా మాట్లాడటం సరికాదన్నారు. రేవంత్రెడ్డి తన వ్యాఖ్యలను వెంటనే వెనక్కి తీసుకుని హిందూ సమాజానికి బేషరతుగా క్షమాపణ చెప్పాలని డిమాండ్ చేశారు. హిందూ దేవుళ్లను రాజకీయాలకు దూరంగా ఉంచాలని, మత విశ్వాసాలను కించపరిచేలా వ్యాఖ్యలు చేయడం తగదని ఆయన పేర్కొన్నారు. సీఎం వ్యాఖ్యలకు నిరసనగా చేపట్టిన ఈ ఆందోళనలో బీజేపీ నాయకులు దొంగల రాములు, కొయ్యడ అశోక్, నిమ్మశెట్టి సంపత్, రాసమల్ల శ్రీనివాస్, బిజిలి సారయ్య, కనకం కుమార్, కూనారపు శ్రీనాథ్, కాంతాల రాజిరెడ్డి, వడ్లకొండ రాజేందర్, గూళ్ల రాజు, గొల్లిపెల్లి వెంకటేష్, భూపతి రవి, బొజ్జ కుమార్, మడ్డి సాయితేజ, నర్సయ్య తదితరులు పాల్గొన్నారు.
