బాల్య వివాహాల నిర్మూలనకు సమష్టి కృషి చేయాలి
కరీంనగర్ జిల్లా అదనపు కలెక్టర్‌ అశ్విని
బాల్య వివాహ రహిత భారత్‌ పోస్టర్‌ ఆవిష్కరణ
కాకతీయ, కరీంనగర్ : బాలల హక్కుల పరిరక్షణతో పాటు బాల్య వివాహాల నిర్మూలనకు ప్రతి ఒక్కరూ కృషి చేయాలని అదనపు కలెక్టర్‌ అశ్విని పిలుపునిచ్చారు. నవంబర్‌ 14న కరీంనగర్ జిల్లా కలెక్టరేట్‌ ఆడిటోరియంలో మహిళా, శిశు సంక్షేమ శాఖ ఆధ్వర్యంలో బాలల దినోత్సవం నిర్వహించారు. ఈ సందర్భంగా అదనపు కలెక్టర్‌ అశ్విని చేతుల మీదుగా ‘బాల్య వివాహ రహిత భారత్‌’, ‘స్టాప్‌ చైల్డ్‌ మ్యారేజ్‌’ పోస్టర్లను ఆవిష్కరించారు.కార్యక్రమంలో జిల్లా సంక్షేమ అధికారి సరస్వతి, బాలల సంక్షేమ కమిటీ చైర్‌పర్సన్‌ ధనలక్ష్మి, జిల్లా విద్యాశాఖ అధికారి వై. తిరుపతిరావు, జిల్లా బాలల పరిరక్షణ అధికారి పర్వీన్‌, చైల్డ్‌లైన్‌ కోఆర్డినేటర్‌ ఆవుల సంపత్‌, జిల్లా వైద్య ఆరోగ్యశాఖ అధికారి, ఎస్‌ఆర్‌డీ సొసైటీ ఫర్‌ రూరల్‌ డెవలప్‌మెంట్‌ కమ్యూనిటీ సోషల్‌ వర్కర్‌ గాజంగి వీరస్వామి వీరన్న, పాపినేని కోమల, ప్రాజెక్ట్‌ కోఆర్డినేటర్‌ మీరుపురి వెంకటేష్‌, జిల్లా శిశు అభివృద్ధి ప్రాజెక్టు అధికారులు, పాఠశాలల విద్యార్థులు పాల్గొన్నారు.
