నాగ సుబ్రహ్మణ్యేశ్వరుడికి ప్రత్యేక పూజలు..
*స్వామివారిని దర్శించుకున్న పరకాల ఎమ్మెల్యే రేవూరి
కాకతీయ, గీసుగొండ: నాగ సుబ్రహ్మణ్యేశ్వరుడికి కార్తీక మాస రెండవ మంగళవారం ప్రత్యేక పూజలు నిర్వహించారు. మండలంలోని ఊకల్ హవేలీ గ్రామంలో కొలువుదీరిన శ్రీవల్లి దేవసేన సమేత నాగ సుబ్రహ్మణ్యేశ్వర స్వామి దేవాలయంలో ఆలయ ప్రధాన అర్చకులు సముద్రాల సుదర్శనా చార్యులు స్వామివారికి పంచామృత అభిషేకాలు నిర్వహించి,చతుర్వేద పారాయణంతో షోడశోపచార పూజలు నిర్వహించారు. అనంతరం స్వామివారిని వివిధ రకాల పూలతో ప్రత్యేకంగా అలంకరించారు. ఈ సందర్భంగా పరకాల ఎమ్మెల్యే రేవూరి ప్రకాశ్ రెడ్డి స్వామివారిని దర్శించుకుని ప్రత్యేక పూజలు నిర్వహించారు. స్వామివారి కృపాకటాక్షాలు నియోజకవర్గ ప్రజలపై ఉండాలని ప్రార్థించారు. అదేవిధంగా గీసుగొండ ఇన్చార్జి ఎంపీడీఓ శ్రీధర్, దుగ్గొండి ఎంపీడీఓ అరుంధతి, మండలంలోని వివిధ గ్రామాల పంచాయతీ కార్యదర్శులు,ఈ-ఆపరేటర్లు స్వామివారిని దర్శించుకుని ప్రత్యేక పూజలు నిర్వహించారు. ఈ కార్యక్రమంలో ఆలయ కమిటీ చైర్మన్ తిమ్మాపురం రాజేశ్వరరావు, గ్రామ సర్పంచ్ కక్కెర్ల సుభాష్, మాజీ ఎంపీపీ భీమగాని సౌజన్య,మండల కాంగ్రెస్ పార్టీ అధ్యక్షుడు దాడి శివ, నాయకులు నాగరాజు తదితరులు పాల్గొన్నారు.

