కాకతీయ, నేషనల్ డెస్క్: క్రికెట్ గాడ్ సచిన్ టెండూల్కర్ ఇంట్లో త్వరలోనే పెళ్లి బాజాలు మోగబోతున్నాయి. సచిన్ తనయుడు అర్జున్ టెండూల్కర్ ఓ ఇంటివాడు కాబోతున్నట్లు తెలుస్తోంది. ముంబైకి చెందిన సానియా చందోక్ తో అర్జున్ కు ఎంగేజ్ మెంట్ జరిగినట్లు సోషల్ మీడియాలో వార్తలు వైరల్ అవుతున్నాయి. కొద్దిమంది కుటుంబ సభ్యుల సమక్షంలోనే వీరి ఎంగేజ్ మెంట్ జరిగినట్లు సోషల్ మీడియాలో వార్తలు చక్కర్లు కొడుతున్నాయి. అయితే ఈ విషయంపై ఇరుకుటుంబాల నుంచి ఎలాంటి అధికారిక ప్రకటన వెలువడలేదు.
ముంబైకి చెందిన ప్రముఖ బిజినెస్ మెన్ రవి ఘాయ్ మనవరాలు సానియా చందోక్. రవి ఘాయ్ కుటుంబానికి ఆతిథ్య, ఆహార రంగాల్లో పలు వ్యాపారాలు ఉన్నాయి. ఇంటర్ కాంటినెంటల్ హోటల్, ప్రముఖ ఐస్ క్రీమ్ బ్రాండ్ బ్రూక్లీన్ క్రీమరీ తోపాటు పలు బిజినెస్ లు ఉన్నాయి. సానియా చాలా లో ప్రొఫైల్ మెయింటైన్ చేస్తుంది. మిస్టర్ పాస్ పెట్ స్పా అండ్ స్టోర్ భాగస్వామిగా, డైరెక్టర్ గా ఉన్నారు.
లెఫ్ట్ ఆర్మ్ పేస్, బ్యాటర్ అయిన అర్జున్ టీమిండియా జట్టులోకి వచ్చేందుకు ఎంతో కష్టపడుతున్నాడు. దేశవాళీ క్రికెట్లో గోవాకు ప్రాతినిధ్యం వహిస్తున్నాడు. 17 ఫస్ట్ క్లాస్ క్రికెట్లో ఇప్పటి వరకు 37 వికెట్లతోపాటు 532 పరుగుల చేశాడు. 24 టీ 20ల్లో 27 వికెట్లు తీసి..119 పరుగులు చేశాడు. ఇక ఐపీఎల్లో ముంబైకి ప్రాతినిధ్యం వహిస్తున్న సంగతి తెలిసిందే.
