విదేశీ విద్యార్థులకు అమెరికా గుడ్న్యూస్.. ఇంటెంట్ టు లీవ్ రూల్ రద్దు!
అమెరికా F-1 వీసా విధానంలో పెద్ద మార్పు
ఇంటెంట్ టు లీవ్ రూల్ రద్దు దిశ‌గా అడుగులు
భారతీయ విద్యార్థులకు బిగ్ రిలీఫ్‌
కాకతీయ, ఇంట‌ర్నేష‌న‌ల్ డెస్క్ : విదేశీ విద్యార్థులకు త్వ‌ర‌లోనే అమెరికా గుడ్న్యూస్ చెప్ప‌బోతుంది. అమెరికా ఎఫ్‌-1 వీసా విధానంలో పెద్ద మార్పు జరుగుతోంది. విదేశీ విద్యార్థులు తమ గ్రాడ్యుయేషన్ పూర్తయిన తర్వాత తప్పనిసరిగా స్వదేశానికి తిరిగి వెళ్ళిపోవాల్సిన నిబంధన, అంటే ‘ఇంటెంట్ టు లీవ్(Intent to Leave)’ రూల్ రద్దు కాబోతుంది. దీని అర్ధం, గ్రాడ్యుయేషన్ తర్వాత స్వదేశానికి తిరిగి వెళ్ళాల్సిన నిబంధన ఇక ఉండదు.
ప్రస్తుత విధానం ప్రకారం, ఎఫ్‌-1 వీసాకు దరఖాస్తు చేసే విద్యార్థులు చదువు పూర్తయిన తర్వాత అమెరికా విడిచి వెళ్ళిపోతారని ప్రతిపాదనాధికారులకు నిరూపించాలి. దీన్ని సాక్ష్యంగా చూపించడానికి, వారు తమ స్వదేశంలో ఉన్న ఆస్తులు, ఉద్యోగ అవకాశాలు, కుటుంబ బంధాలు, ఇతర సామాజిక/ఆర్థిక పత్రాలను అధికారులు అడుగుతున్నారు. వీటిని చూపించలేని విద్యార్థుల వీసాలు తిరస్కరించబడతాయి.
ఈ నిబంధన ముఖ్యంగా భారత విద్యార్థులకు భారంగా మారింది. 2025లో భారతీయ ఎఫ్‌-1 వీసాల జారీ సంఖ్య గణనీయంగా తగ్గింది. అధిక సంఖ్యలో వీసా తిరస్కరణలు ఇంటెంట్ టు లీవ్ రూల్‌ను నిరూపించలేని విద్యార్థులకే సంభవించాయి. ఈ సమస్యను పరిష్కరించడానికి గాడిగ్నిటీయాక్ట్ 2025 అనే చట్టం ప్రతిపాదించబడింది. ఈ చట్టం కాంగ్రెస్లో ఆమోదం పొందిన తర్వాత ట్రంప్ సంతకం అవసరం. చట్టం అమలు అయిన తరువాత, ఇంటెంట్ టు లీవ్ రూల్ రద్దు అవుతుంది.
అదే జ‌రిగితే చదువు పూర్తయిన తర్వాత స్వదేశానికి తిరిగి వెళ్ళాల్సిన ఒత్తిడి తగ్గుతుంది. ఎఫ్‌-1 వీసా దరఖాస్తులు సులభతరం అవుతాయి. అమెరికాకు వచ్చే విదేశీ విద్యార్థుల సంఖ్య పెరుగే అవకాశం ఉంది. విద్యార్థులు తమ భవిష్యత్తు ప్రణాళికలను భయపడకుండా అమలు చేయగలుగుతారు. ఇంటెంట్ టు లీవ్ రూల్ రద్దు ద్వారా అమెరికా విద్యా రంగం విదేశీ విద్యార్థులకు మరింత ఆకర్షణీయంగా మారుతుంది. భారతీయ విద్యార్థులు కూడా ఎఫ్‌-1 వీసాలు పొందడంలో సౌకర్యం పొందుతారు. వీసా తిరస్కరణలు గణనీయంగా తగ్గే అవకాశం ఉంది.
