మద్దెల ఆధ్వర్యంలో తోట దేవి ప్రసన్నకు సన్మానం
కాకతీయ, కొత్తగూడెం : భద్రాద్రి కొత్తగూడెం జిల్లాకు కాంగ్రెస్ పార్టీ అధ్యక్షురాలుగా నియమించబడిన తోట దేవి ప్రసన్నను భారతరత్న అంబేద్కర్ సంక్షేమ సంఘం అభ్యుదయ కళాసేవ సమితి ఆధ్వర్యంలో ఆదివారం ఘనంగా సత్కరిచ్చి అభినందించారు. ఈ సందర్భంగా ఆచార్య డాక్టర్ మద్దెల మాట్లాడుతూ తోట దేవి ప్రసన్నకు దక్కిన ఈ ప్రతిష్టాత్మకమైన పదవిని పేద వర్గాల వారికి మహిళల సంక్షేమం కోసం బడుగు బలహీన వర్గాల అభ్యున్నతి కోసం కాంగ్రెస్ పార్టీ ప్రతిష్టను పెంచడం కోసం వినియోగించాలని సూచించారు. దేవి ప్రసన్న భవిష్యత్తులో ఇంకా ఉన్నత స్థానాలను అధిరోహించాలని అందుకు కావలసిన శక్తి సామర్ధ్యాలను ఆమెకు దేవుడు ప్రసాదించాలని పేర్కొన్నారు. ఇంత గొప్ప పదవిని కట్టబెట్టిన కాంగ్రెస్ పార్టీ అధిష్టానానికి ఆచార్య డాక్టర్ మద్దెల కృతజ్ఞతలు తెలియజేశారు. ఈ కార్యక్రమంలో తోట దేవి ప్రసన్న, ఆచార్య డాక్టర్ మద్దెల శివకుమార్ లతోపాటు సంఘాల రాష్ట్ర ప్రధాన కార్యదర్శి అపర బాలు అల్లి శంకర్, రాష్ట్ర ఉపాధ్యక్షులు ఉపాధ్యాయ ఉద్యమాల యోధుడు డి.సుధాకర్, సంఘ రాష్ట్ర మహిళా అధ్యక్షురాలు బడికల పుష్పలత, కాంగ్రెస్ పార్టీ సీనియర్ నాయకులు తంగేళ్ల లక్ష్మణ్, సంఘ రాష్ట్ర కార్యదర్శి వైద్య విద్వాన్ డాక్టర్ తమ్మల్ల జోసెఫ్, జనార్ధన్ తదితరులు పాల్గొన్నారు.
