మా అంగన్వాడీ.. నా బాధ్యతపై అవగాహన
కాకతీయ, చందుర్తి: రాజన్న సిరిసిల్ల జిల్లా చందుర్తి మండలం లింగంపేటలో మంగళవారం ఐసీడీఎస్ ఆధ్వర్యంలో ‘పోషణ మాసం–మా అంగన్వాడీ.. నా బాధ్యత’ కార్యక్రమం నిర్వహించారు. ఐసీడీఎస్ సూపర్వైజర్ శంకరమ్మ ఆధ్వర్యంలో జరిగిన కార్యక్రమానికి ఎంపీడీవో రాధా ముఖ్య అతిథిగా హాజరయ్యారు. ఈ సందర్భంగా గర్భిణులు, బాలింతలు అంగన్వాడీ కేంద్రాల ద్వారా అందిస్తున్న పౌష్టికాహారాన్ని సద్వినియోగం చేసుకోవాలని సూచించారు. చిన్నారుల ఆరోగ్య పరిరక్షణకు సకాలంలో వ్యాధి నిరోధక టీకాలు వేయించడం ఎంతో ముఖ్యమని డాక్టర్ వేణుమాధవ్, డాక్టర్ రేణుక అవగాహన కల్పించారు. అంగన్వాడీ కేంద్రాల సేవలను సద్వినియోగం చేసుకోవాలని సూచించారు. కార్యక్రమంలో సర్పంచ్ కొక్కుల నరేష్, ఉపసర్పంచ్ ఆకుల ఎల్లయ్య, వార్డు సభ్యులు, అంగన్వాడీ టీచర్లు, సిబ్బంది, ఏఎన్ఎం లావణ్య, ఆశా వర్కర్లు, గర్భిణులు, బాలింతలు పాల్గొన్నారు
