14 కొత్త బార్లకు గ్రీన్‌సిగ్నల్‌
టీసీయూఆర్‌ పరిధిలో ముందస్తు అనుమతులకు ఆహ్వానం
కాకతీయ, హైదరాబాద్ : టీసీయూఆర్‌ ప్రాంతంలో 14 కొత్త బార్ల ఏర్పాటుకు ముందస్తు అనుమతుల కోసం దరఖాస్తులను ఆహ్వానిస్తూ తెలంగాణ ప్రొహిబిషన్‌ అండ్‌ ఎక్సైజ్‌ కమిషనర్‌ నోటిఫికేషన్ జారీ చేసినట్లు జిల్లా ప్రొహిబిషన్‌ అండ్‌ ఎక్సైజ్‌ కార్యాలయం తెలిపింది. ప్రభుత్వ ఉత్తర్వులు, అమల్లో ఉన్న బార్‌ పాలసీ ప్రకారం అర్హత కలిగిన ఆసక్తిగల దరఖాస్తుదారుల నుంచి దరఖాస్తులను స్వీకరించేందుకు ఏర్పాట్లు చేసినట్లు పేర్కొంది.
కొత్త బార్లకు సంబంధించిన ముందస్తు అనుమతుల కోసం అర్హత కలిగిన దరఖాస్తుదారులు నిర్దేశిత కాలవ్యవధిలో నోటిఫికేషన్‌లో పేర్కొన్న విధంగా దరఖాస్తులు సమర్పించాలని అధికారులు సూచించారు. దరఖాస్తుదారులు నోటిఫికేషన్, సంబంధిత నిబంధనలు, షరతులను పూర్తిగా పరిశీలించుకోవాలని తెలిపారు. బార్‌ పాలసీలోని ముఖ్యాంశాలు, నోటిఫై చేసిన బార్ల సంఖ్య, అర్హతా ప్రమాణాలు, దరఖాస్తు సమర్పణ విధానం తదితర వివరాలను సంబంధిత జిల్లా ప్రొహిబిషన్‌ అండ్‌ ఎక్సైజ్‌ కార్యాలయాల్లో తెలుసుకోవచ్చని అధికారులు తెలిపారు. దరఖాస్తుదారులకు ఉన్న సందేహాలను సంబంధిత ఎక్సైజ్‌ అధికారులు నివృత్తి చేస్తారని పేర్కొన్నారు.
విస్తృత ప్రచారం
అర్హత కలిగిన ఆసక్తిగల వ్యక్తులందరికీ నోటిఫికేషన్ సమాచారం చేరేలా ముద్రిత, ఎలక్ట్రానిక్‌ మాధ్యమాల ద్వారా విస్తృత ప్రచారం కల్పిస్తున్నట్లు అధికారులు తెలిపారు. నిబంధనలకు అనుగుణంగా దరఖాస్తులు సమర్పించేందుకు అందరికీ అవకాశం కల్పిస్తున్నట్లు వెల్లడించారు. నోటిఫికేషన్‌లో పేర్కొన్న అర్హతలు, షరతులు, దరఖాస్తు విధానాన్ని పరిశీలించిన అనంతరం నిర్ణీత కాలవ్యవధిలో దరఖాస్తు చేసుకోవాలని జిల్లా ప్రొహిబిషన్‌ అండ్‌ ఎక్సైజ్‌ అధికారులు సూచించారు.
