ఉపసర్పంచ్లు,వార్డు సభ్యుల హక్కుల సాధనకు భారీ బహిరంగ సభ
డిసెంబర్ 27న కరీంనగర్లో రాష్ట్రస్థాయి సభ.. కేశవపట్నంలో పోస్టర్ ఆవిష్కరణ
కాకతీయ,శంకరపట్నం:ఉపసర్పంచ్లు, వార్డు సభ్యుల హక్కులు, గౌరవం, అధికారాల సాధనే లక్ష్యంగా డిసెంబర్ 27న కరీంనగర్లో నిర్వహించనున్న రాష్ట్రస్థాయి భారీ బహిరంగ సభను విజయవంతం చేయాలని నాయకులు పిలుపునిచ్చారు. ఈ సభకు సంబంధించిన పోస్టర్ను మంగళవారం కేశవపట్నం మండల కేంద్రంలో ఆవిష్కరించారు. కరీంనగర్ జిల్లా ఉపసర్పంచ్ల ఫోరం అధ్యక్షుడు ఆకుబత్తిని విజయ్ కుమార్ ఆధ్వర్యంలో జరిగిన ఈ కార్యక్రమంలో రాష్ట్ర ప్రధాన కార్యదర్శి దుద్యాల రాజిరెడ్డి, జిల్లా కార్యదర్శి చింతం రాజేశం, మండల అధ్యక్షుడు సుభాష్ రెడ్డి పాల్గొని పోస్టర్ను ఆవిష్కరించారు. ఈ సందర్భంగా వారు మాట్లాడుతూ గ్రామ పంచాయతీల్లో ఉపసర్పంచ్లు, వార్డు సభ్యులకు తగిన గుర్తింపు, గౌరవం, అధికారాలు కల్పించడంతో పాటు స్థానిక సంస్థలను మరింత బలోపేతం చేయాల్సిన అవసరం ఉందన్నారు. ఈ లక్ష్యాల సాధన కోసం నిర్వహిస్తున్న బహిరంగ సభకు రాష్ట్రవ్యాప్తంగా ఉపసర్పంచ్లు, వార్డు సభ్యులు పెద్ద సంఖ్యలో తరలివచ్చి విజయవంతం చేయాలని కోరారు.
ఈ కార్యక్రమంలో ఉపసర్పంచ్లు కృష్ణారెడ్డి, కుమార్, శ్రీనివాస్, వార్డు సభ్యులు అన్నారపు సరోజన తిరుపతి, కళావతి శ్రీనివాస్, రజిత రాములు, సంపత్ గౌడ్, సదానందం, సుధాకర్, పోచయ్య, శ్రీకాంత్, శ్రీనివాస్ తదితరులు పాల్గొన్నారు.

