చందుర్తి నూతన సీఐగా కట్ల రవీందర్ బాధ్యతలు స్వీకారం..
కాకతీయ, వేములవాడ :రాజన్న సిరిసిల్ల జిల్లా చందుర్తి పోలీస్ సర్కిల్లో నూతన సర్కిల్ ఇన్స్పెక్టర్గా కట్ల రవీందర్ బుధవారం అధికారికంగా బాధ్యతలు స్వీకరించారు. కార్యాలయంలో జరిగిన కార్యక్రమంలో పోలీస్ సిబ్బంది సమక్షంలో ఆయన పదవీ బాధ్యతలు చేపట్టారు.
గతంలో సర్కిల్ ఇన్స్పెక్టర్గా విధులు నిర్వహించిన జి. వెంకటేశ్వర్లు డీఎస్పీగా పదోన్నతి పొంది బదిలీ కావడంతో ఈ స్థానం ఖాళీ అయింది. ఈ సందర్భంగా వెంకటేశ్వర్లు అందించిన సేవలను సిబ్బంది స్మరించుకున్నారు.
బాధ్యతలు స్వీకరించిన అనంతరం సీఐ రవీందర్ మాట్లాడుతూ, చందుర్తి సర్కిల్లో శాంతి భద్రతలను కట్టుదిట్టంగా అమలు చేయడం, ప్రజలకు అందుబాటులో ఉండే పోలీసింగ్ను అందించడం తన ముఖ్య లక్ష్యమని తెలిపారు. ప్రజల సమస్యలను త్వరితగతిన పరిష్కరించేందుకు కృషి చేస్తానని, చట్ట విరుద్ధ కార్యకలాపాలపై కఠిన చర్యలు తీసుకుంటానని స్పష్టం చేశారు.
ఈ సందర్భంగా పోలీస్ అధికారులు, సిబ్బంది ఆయనకు శుభాకాంక్షలు తెలియజేశారు. చందుర్తి సర్కిల్లో పోలీసింగ్ మరింత మెరుగుపడుతుందనే ఆశాభావాన్ని వ్యక్తం చేశారు.
