ములుగు రైస్ మిల్లర్స్ ప్రెసిడెంట్ ప్ర‌వీణ్ అరెస్టు
జాకారం స‌మీపంలో అదుపులోకి తీసుకున్న సీబీ సీఐడీ అధికారులు
గత నాలుగు రోజులుగా ప్ర‌వీణ్ కోసం అధికారుల వేట
ఇటీవల ప్ర‌వీణ్ మిల్లుల్లో సివిల్ స‌ప్లై అధికారుల తనిఖీలు..తాజాగా అరెస్టు..
కాకతీయ,తెలంగాణ బ్యూరో : ములుగు జిల్లా రైస్ మిల్లర్స్ అసోసియేషన్‌ అధ్యక్షుడు బాదం ప్రవీణ్‌ను సీబీ సీఐడీ అధికారులు ఆదివారం ఉద‌యం జాకారం సమీపంలోని జాతీయ రహదారిపై అదుపులోకి తీసుకున్నారు. గత నాలుగు రోజులుగా ఆయన కోసం అధికారులు గాలిస్తుండ‌గా.. ఆదివారం ఉద‌యం అరెస్టు చేశారు. ఇటీవల ప్రవీణ్‌కు చెందిన మిల్లుల్లో పౌరసరఫరాల శాఖ అధికారులు తనిఖీలు నిర్వహించగా, తాజాగా సీబీ సీఐడీ అధికారులు ఆయనను అదుపులోకి తీసుకోవడం జిల్లాలో చర్చనీయాంశంగా మారింది. అయితే ప్రవీణ్‌ను ఏ కేసులో భాగంగా అదుపులోకి తీసుకున్నారు? ఆయనపై ఉన్న అభియోగాలేమిటి? మిల్లుల్లో జరిగిన తనిఖీలకు ఈ చర్యలకు సంబంధం ఉందా? అనే అంశాలపై అధికారికంగా పూర్తి వివరాలు వెల్లడికావాల్సి ఉంది. సంబంధిత అధికారులు వివరాలు వెల్లడించిన తర్వాతే అరెస్టుకు గల కారణాలు స్పష్టమయ్యే అవకాశం ఉంది.
