అర్ధరాత్రి బీఆర్ఎస్ నేత‌ల అరెస్టు
డిప్యూటీ సీఎం రాక నేప‌థ్యంలో పోలీసుల చ‌ర్య
పోలీసుల తీరును ఖండించిన మాజీ ఎమ్మెల్యే వినయ్ భాస్కర్
కాకతీయ, హ‌న్మ‌కొండ : ఉప ముఖ్యమంత్రి భట్టి విక్ర‌మార్క వ‌రంగ‌ల్‌లో బుధ‌వారం ప‌ర్య‌టించ‌నున్న నేప‌థ్యంలో కాజీపేట వైఎస్సార్‌న‌గ‌ర్‌తో పాటు బీఆర్ ఎస్ ముఖ్య నేత‌ల‌ను మంగ‌ళ‌వారం అర్ధరాత్రి స‌మ‌యంలో పోలీసులు అరెస్టు చేశారు. ఈ విష‌యంపై వ‌రంగ‌ల్ ప‌శ్చిమ మాజీ ఎమ్మెల్యే విన‌య్‌భాస్క‌ర్ ఆగ్ర‌హం వ్య‌క్తం చేశారు. ఈ అంశంపై ఆయ‌న సోష‌ల్ మీడియా వేదిక‌గా ఖండించారు. డిప్యూటీ సీఎం న‌గ‌రానికి వ‌స్తే బీఆర్ ఎస్ నేత‌ల‌ను అరెస్టు చేయ‌డం సిగ్గుచేట‌ని అన్నారు. ప్రజల హ‌క్కుల‌ను హ‌రించ‌డ‌మేంట‌ని మండిప‌డ్డారు.కాంగ్రెస్ ప్ర‌భుత్వంలో ప్రజల హ‌క్కుల‌కు ర‌క్ష‌ణ లేకుండా పోయింద‌ని, నిర్బంధ పాల‌న కొన‌సాగుతోంద‌ని పేర్కొన్నారు.
