కాకతీయ, తెలంగాణ బ్యూరో: తిరుమల శ్రీవారిని దర్శించుకోవాలంటే భక్తులు ముందుగానే ప్లాన్ చేసుకోవాలి. అందులో శ్రావణ మాసం, కార్తీకమాసం వంటి నెల్లో శ్రీవారి దర్శనం అంటే తప్పనిసరిగా ముందుస్తు ప్లాన్ ఉండాలి. ఈ నేపథ్యంలో నవంబర్ నెలకు సంబంధించి టీటీడీ దర్శనాలు, గదుల కోటా బుకింగ్ విడుదల తేదీలను ప్రకటించింది టీటీడీ. తిరుమల శ్రీవారి ఆర్జిత సేవా టికెట్ల నవంబర్ కోటాను ఈనెల 18న ఉదయం 10గంటల నుంచి టీటీడీ ఆన్ లైన్ లో విడుదల చేస్తుంది. ఈ సేవా టికెట్ల ఎలక్ట్రానిక్ డిప్ కోసం ఆగస్టు 20న ఉదయం 10గంటల వరకు ఆన్ లైన్ లో నమోదు చేసుకోవాలి.
https://ttdevasthanams.ap.gov.in వెబ్ సైట్ ద్వారా శ్రీవారి ఆర్జిత సేవలు, దర్శన టికెట్లు బుక్ చేసుకోవాలని తెలిపింది. నవంబర్ నెలకు సంబంధించి టీటీడీ విడుదల చేసే పలు దర్శనాల, గదుల కోటా వివరాలు ఇలా ఉన్నాయి.
శ్రీవారి ఆర్జిత సేవాటికెట్లకు సంబంధించి నవంబర్ నెల కోటాను ఆగస్టు 18న ఉదయం 10గంటలకు టీటీడీ ఆన్ లైన్ లో రిలీజ్ చేస్తుంది.
ఈ సేవా టికెట్లు ఎలక్ట్రానిక్ డిప్ కోసం ఆగస్టు 20వ తేదీ ఉదయం 10గంటలకు ఆన్ లైన్ లో ఎంట్రీ చేసుకోవచ్చు. ఈ టికెట్లు పొందినవాళ్లు ఆగస్టు 20 నుంచి 22వ తేదీ మధ్యాహ్నం 12గంటలలోపు డబ్బు చెల్లించిన వారికి లక్కీడీప్ లో టికెట్లు మంజూరు అవుతాయి.
కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవ టికెట్లను ఆగస్టు 1 నుంచి ఉదయం 10గంటలకు టీటీడీ ఆన్ లైన్ లో రిలీజ్ చేస్తుంది.
వర్చువల్ సేవలు వాటి దర్శన స్లాట్లకు సంబంధించిన కోటాను ఆగస్టు 21న మధ్యాహ్నం 3గంటలకు టీటీడీ విడుదల చేస్తుంది.
23న అంగప్రదక్షిణం టోకెన్లు….
అంగప్రదక్షిణం టోకెన్ల కోటాను ఆగస్టు 23న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది.
శ్రీవాణి టికెట్ల ఆన్ లైన్ కోటా….
శ్రీవాణి ట్రస్టు టికెట్ల ఆన్ లైన్ కోటాను ఆగస్టు 23వ తేదీ ఉదయం 11 గంటలకు టీటీడీ విడుదల చేయ‌నుంది.
వృద్ధులు, దివ్యాంగుల దర్శన కోటా…
వ‌యోవృద్ధులు, దివ్యాంగులు, దీర్ఘ‌కాలిక వ్యాధులున్న‌వారు తిరుమల శ్రీవారిని ద‌ర్శించుకునేందుకు వీలుగా ఉచిత ప్రత్యేక దర్శనం టోకెన్ల కోటాను ఆగస్టు 23న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయ‌నుంది.
25న ప్రత్యేక ప్రవేశ దర్శన టికెట్ల కోటా విడుదల
ప్రత్యేక ప్రవేశ దర్శన టికెట్ల కోటాను ఆగస్టు 25న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది.
తిరుమల, తిరుపతిలలో గదుల కోటా విడుదల…
తిరుమల, తిరుపతిలలో గదుల కోటాను ఆగస్టు 25న మధ్యాహ్నం 3 గంటలకు ఆన్‌లైన్‌లో విడుదల చేస్తారు.
