కాకతీయ, నేషనల్ డెస్క్: 79వ స్వాతంత్ర్య దినోత్సవం సందర్భంగా ప్రధానమంత్రి నరేంద్ర మోదీ ఎర్రకోట నుండి యువతకు భారీ గుడ్ న్యూస్ చెప్పారు. యువత కోసం లక్ష కోట్ల రూపాయల పథకాన్ని అమలు చేస్తున్నట్లు ఆయన ప్రకటించారు. ప్రధానమంత్రి వికాసిత్ భారత్ రోజ్‌గార్ యోజన నేటి నుంచే అమలులోకి వస్తోందని ప్రధాని మోదీ అన్నారు .ప్రధాన మంత్రి వికాసిత్ రోజ్‌గార్ యోజన దాదాపు 3.5 కోట్ల మంది యువతకు కొత్త ఉపాధి అవకాశాలను అందిస్తుంది. లక్ష కోట్ల రూపాయల పథకం స్వాతంత్ర్య దినోత్సవం సందర్భంగా దేశ యువతకు ప్రధాని మోదీ ఇచ్చిన గొప్ప బహుమతి అని చెప్పవచ్చు. ఈ పథకం కింద, ప్రైవేట్ రంగంలో మొదటి ఉద్యోగం పొందిన వారికి ప్రభుత్వం రూ.15,000 ఇస్తుంది.
ఈ పథకం కింద గరిష్ట ఉపాధిని కల్పించే కంపెనీలు, వ్యాపారాలకు ప్రభుత్వం సబ్సిడీని అందిస్తుంది. కంపెనీలకు సబ్సిడీ ఇవ్వడంతో పాటు, ప్రభుత్వం యువతకు ఈ ఆర్థిక సహాయాన్ని కూడా అందిస్తుంది. ఈ పథకం దేశంలో కొత్త ఉద్యోగ అవకాశాలను అందిస్తుంది. ఈ పథకం చిన్న, మధ్య తరహా సంస్థలు, తయారీ, సేవలు, సాంకేతికత వంటి వివిధ రంగాలలో ఉద్యోగాలను పెంచడంపై దృష్టి పెడుతుంది.
EPFOలో మొదటి ఉద్యోగం సంపాదించి రిజిస్టర్ చేసుకున్న యువత మాత్రమే ఈ పథకం ప్రయోజనం పొందుతారు. మొత్తం 15 వేల రూపాయలు రెండు విడతలుగా బదిలీ అవుతాయి. జీతం లక్ష రూపాయల కంటే తక్కువగా ఉండాలి అనేది షరతుగా ఉంది. దీని కంటే ఎక్కువ జీతం ఉన్నవారు ఈ పథకం ప్రయోజనాన్ని పొందలేరు.
ఈ పథకంలో, మొదటి ఉద్యోగం పొందుతున్న యువత మాత్రమే కాకుండా ఉద్యోగం అందించే కంపెనీలు కూడా ప్రయోజనం పొందుతాయి. ప్రభుత్వం ప్రతి ఉద్యోగికి రెండేళ్లపాటు కంపెనీలకు నెలకు రూ. 3000 ఇస్తుంది. అయితే ఇక్కడ కూడా ఉద్యోగి కనీసం 6 నెలలు ఉద్యోగంలో ఉండాలనే షరతు ఉంటుంది.
