ఉమ్మడి జిల్లా స్థాయి వాలీబాల్ పోటీలకు కేశవపట్నం విద్యార్థినులు ఎంపిక

ఉమ్మడి జిల్లా స్థాయి వాలీబాల్ పోటీలకు కేశవపట్నం విద్యార్థినులు ఎంపిక
విద్యార్థినులను అభినందించిన ప్రధానోపాధ్యాయులు, ఉపాధ్యాయ బృందం

కాకతీయ,శంకరపట్నం:మండలంలోని కేశవపట్నం జిల్లా పరిషత్ ఉన్నత పాఠశాలకు చెందిన విద్యార్థినులు వాలీబాల్ క్రీడలో ప్రతిభ కనబరిచి కరీంనగర్ జిల్లా జట్టుకు ఎంపికయ్యారు. ఈ నెల 25న కేశవపట్నం జిల్లా పరిషత్ ఉన్నత పాఠశాలలో నిర్వహించనున్న అండర్‌-14 బాలబాలికల వాలీబాల్ పోటీల నేపథ్యంలో విద్యార్థినులు ఆది దుర్గ, నేహా జిల్లా జట్టుకు ఎంపిక కావడం పాఠశాలకు గర్వకారణంగా నిలిచింది. ఈ సందర్భంగా పాఠశాల ప్రధానోపాధ్యాయులు సుభాష్ ఎంపికైన విద్యార్థినులను అభినందించారు. విద్యార్థినులకు క్రీడల్లో శిక్షణ అందించి, వారి ప్రతిభను వెలికితీసిన వ్యాయామ ఉపాధ్యాయుడు భక్తు రాజ్‌కుమార్‌ను ప్రధానోపాధ్యాయులు, ఉపాధ్యాయ బృందం ప్రత్యేకంగా అభినందించారు. విద్యార్థులు చదువుతోపాటు క్రీడల్లోనూ రాణించి పాఠశాలకు, గ్రామానికి మంచి పేరు తీసుకురావాలని ఆకాంక్షించారు.